隔離 -嚴曉蕾

00:06-00:20 (頭半個verse)，氣氛比較靜，所以我儘量右手以單音旋律為主，左手輕力彈chord，少少bass line medley，同埋玩少少伴奏變化，所以整體上唔會太複雜。

00:21，我突然將右手移高一個Octave黎彈伴奏，左手幫右手彈一粒喺主旋律入面嘅D音，咁做可以將右手變成伴奏 (將伴奏放喺高音域)，變化多啲同埋音域闊啲。

00:21-00:35 (後半個verse)，我將大部分主旋律嘅音都用拇指彈，咁另外嗰四隻手指就可以做伴奏。由於右手編曲已經夠豐富，所以左手簡單彈吓chord，同埋做少少rhythm就得。

00:35-00:49 (pre-chorus)，係最精彩嘅一段，我將主旋律分拆成用左右手彈，但同時左右手都有伴奏。主旋律跟伴奏係兩種力度，雙手必須靈活切換力度，先分辨到伴奏同埋主旋律。而且雙眼必須靈活，可以於極短時間內將焦點移到其他音域。呢種技術又名three-hand technique，需要有一定功力嘅人先駕馭到(唔係想兜個圈讚自己，哈哈)。

00:50-01:20 (chorus)，主要都係左手做多啲變化，包括用多啲9&10音，節奏做多啲變化。右手間唔中會跳一跳去低音域彈下伴奏，令聽覺效果豐富啲。

01:20-01:38，我喺節奏上做咗啲變化，同埋喺右手做少少跳音域，令聽覺效果更豐富。同埋喺完bridge之前加一個F scale，表達個vocal嘅延音。